Hurritzak zergatik eta nola landatu

Hurritzak landatzea aukera bikaina da, bai ekonomiaren aldetik, bai ingurumenaren aldetik. Zuhaitz horiek onura ugari eskaintzen dituzte, balio komertzial handiko fruituak ekoiztetik hasi eta lurzoruaren eta biodibertsitatearen iraunkortasunari egiten dioten ekarpeneraino.

Hurritzek hurrak ekoizten dituzte, hurra fruitu lehor oso elikakorra da, eta elikagaien industrian eskaera handia duena.

Nutriente (Nutrimento)	%
Ura (Agua)	5-6
Lipidoak (Lípidos)	55-72
Proteinak (Proteínas)	10-22
Karbohidratoak (Carbohidratos)	3-11
Elikagai-Zuntza (Fibra)	5-7
Mineralak (Minerales)	2-3
Kaloriak (Calorías)	600

Hauek dira hurritzak landatzeak dakartzan onuretako batzu:

• Errentagarritasun ona: Beste fruta-arbolen aldean, hurritzek erlazio ona dute hasierako inbertsioaren eta epe ertain-luzeko mozkinen artean.
• Bizitza produktibo luzea: Ondo maneiatutako hurritz batek fruituak eman ditzake 40 urte baino gehiagoz.
• Hurritzak oso esker onekoak dira; izan ere, oso mantentze-lan txikiak behar dituzte, beste hezur-labore batzuek baino inausketa gutxiago eta tratamendu fitosanitario gutxiago behar dituzte.
• Itsasoaren mailatik 1000 metrora ere haz daitezke; beraz, baldintza oso txarrei eusten diete, eta, ezarri ondoren, ez dute ureztatze handirik behar.
• Hurritzak lerro giltzarrian («linea clave») dagoen mendi magal batean landatzen baditugu, lurraren higadura saihesten lagunduko digute.
• Hurritzen bilketa oso erraz mekanizatu eta biltzeko modukoa da.

Hurritzen Altuera

Laborantza intentsibo modernoetan, uzta errazago biltzeko eta ekoizpen-eraginkortasuna hobetzeko, hurritzak 2,5 eta 4 metro arteko altueran egoten dira. Laborantza super intentsiboetan, zuhaitz-dentsitate handiagoarekin eta inausketa zorrotzagoekin, 2-3 metroko altueran manten daitezke.

Hurritzaren altueran eragina duten faktoreak laborantza intentsiboetan

Prestakuntza eta mantentze lanak, inausketa:

• Urtean behin inausketak egiten dira gehiegizko hazkundea saihesteko eta adar irisgarrietan fruituen ekoizpena sustatzeko.
• Garapen orekatua bilatzen da, ekoizpen-adar ondo banatuekin.

Hurritzaren barietatea:

• Negret eta Pauetet bezalako barietate batzuek itxura edukiagoa dute; Tonda di Giffoni bezalako beste batzuk, berriz, altuagoak izan daitezke inausketarekin kontrolatzen ez badira. Post hau ez luzatzerren aurrerago hurritz barietei buruz hitzegingo dugu.

Laborearen maneiatzea:

• Ekoizpen mekanizatuetan, altuera bajuko zuhaitzak nahiago izanten dira, eskailerarik eta inausketa konplexurik gabe biltzea errazteko.
• Heskai («seto vivo») edo dentsitate handiko sistemetan, hazkunde trinkoagoa eta uniformeagoa bilatzen da.

Lurzoruaren eta klimaren baldintzak:

• Hurritzak lurzoru aberatsak eta ondo drainatuetan indartsuago hazten dira, eta inausketa ohikoagoak behar dira altuera optimoari eusteko.
• Hezetasun handiko klima tenplatuetan, eremu lehorretan baino askoz azkarrago hazten edo garatzen dira.

Hurritzak nola inausten dira

Hurritzak inausi egiten dira fruituen ekoizpena hobetzeko, zuhaitz orekatu bat mantentzeko eta uzta errazago biltzeko. Inausketa mota desberdinak egiten dira zuhaitzaren adinaren eta ekoizpen-sistemaren arabera (tradizionala, intentsiboa edo super intentsiboa).

Hurritz-inausketa motak

Prestakuntza-inausketa (lehen 3-4 urteak)

• Landaketaren lehen urtetik egiten da, zuhaitzari nahi den forma emateko eta haren egitura sendotzeko.
• Helburua: Egitura sendo eta orekatu bat garatzea, argiaren eta aireztapenaren sarrera erraztuz.
• Metodoa:
  • Hautatu 3-5 adar nagusi edalontzi edo lider zentral moduan ondo banatuta.
  • Adar ahulak edo barrurantz hazten direnak kendu.
  • Garaiera neurrian mantendu (ekoizpen intentsiboan, 2.5-4 metrora mugatzea komeni da).
• Garai egokian inaustu: neguaren amaiera edo udaberriaren hasiera (otsaila-martxoa), kimatu («brotar») aurretik.

Honen arrazoia zera da: aldi honetan, zuhaitza atseden begetatiboan dago eta ez du izerdi gehiegi galtzen. Gainera, zauriak ondo orbaintzen dira udaberrian etorrerarekin.

Mantenimendu edo fruituak emateko inausketa (4. urtetik aurrera)

• Adar ez-emankorrak kendu, argiaren sarrera sustatzea eta fruituak ematen dituzten adarrak berritzea du helburu.
• Helburua: Ekoizpena sustatzea adar zaharrak, gurutzatuak edo ez-produktiboak kenduz.
• Metodoa:
  • Adar zaharrak edo ez-emankorrak kentzea (5-6 urtetik gorakoak).
  • Adar lehorrak, gaixoak edo gurutzatuak moztea.
  • Zuhaitzaren erdigunea argitzea aireztapena hobetzeko.
  • Laborantza intentsiboetan, zuhaitzaren altuera 4 metrotik gorakoa bada, murriztu.
• Garairik onena: Neguaren amaieran edo uztaren ondoren.
  • 1. aukera: neguaren amaiera (otsaila-martxoa) Udaberriko agerraldiaren aurretik zuhaitzaren formari eusteko aproposa.
  • 2. aukera: uzta-ostekoa (iraila-azaroa) Bereziki erabilgarria, ekoizpena egin ondoren landarea orekatu nahi bada.

Eraberritzeko inausketa (10-12 urtetik aurrera)

• Zaharkitutako edo ekoizpen txikiko zuhaitzei aplikatzen zaie.
• Helburua: zuhaitza biziberritzea da, adar zaharrak kenduz eta kimu berriak sustatuz.
• Metodoa:
  • Adar zahar-zaharrak modu mailakatuan inausten dira (urtean gehienez zuhaitzaren % 30-a bakarrik inausi daiteke).
  • Adarrak oinarritik mozten dira, kimu indartsu berrien ernetzea estimulatzeko.
  • Ongarri organikoa eta ureztapena aplikatzea, errekuperazioan laguntzeko.
• Garairik onena: Neguaren amaiera edo udaberriaren hasiera (otsaila-apirila) .

Honen arrazoia zera da: Kimatu aurretik adar zaharrak kentzea agerraldi gazteen igorpena estimulatzeko.

Noiz EZ inausi hurritzak?

• Udan inausketa saihestea (uztaila-abuztua), zuhaitza ahuldu eta estres hidrikoa areagotu baitezake.
• Ez inausi neguan (abendua-urtarrila) eremu hotzetan, hizotzak, kimaketak uzten dituen orbainetan eragina izan bat dezake.
• Saihestu inausketa udaberri aurreratuan (maiatza-ekaina), loratzea eta fruituen garapenean eragina izan baitezake.

Hurritzak ondo inausteko aholku orokorrak

• Tresna garbi (eta desinfektatuak) eta zorrotzak erabili ebaketak garbiak egiteko eta horrela infekzioak saihesteko.
• Ebaki lodietan pasta orbaintzailea eman («pasta cicatrizante»), gaixotasunei aurrea hartzeko.
• Ez inausi egun euritsu edo hezeetan, onddoen eta gaixotasunen arriskua handitzen baita.
• Zuhaitzaren barruan aireztapen ona mantendu, izurriteak murrizteko eta fruituen heltzea hobetzeko.
• Gehiegi ez inausi, inausketa oso zorrotzak fruituen ekoizpena murriztu baitezake hurrengo urtean (gehienez zuhaitzaren %30 inausi).

Hurritz sailetan engin beharreko lanen egutegia

Hurritzetarako landaketa-markoa

Landaketa-markoa edo hurritzen arteko distantzia aldatu egiten da erabiltzen den hazkuntza-sistema motaren arabera. Hiru ikuspegi nagusi daude:

Labore tradizionala (dentsitate txikia)

• Gomendatutako distantzia: 5-6 metro zuhaitzen artean eta 6-7 metro lerroen artean.
• Landaketa-dentsitatea: 250-330 zuhaitz hektareako.
• Abantailak: Adaburuak («copa del arbol») behar bezala garatzeko nahikoa leku duten zuhaitzak, eskuz edo astintzaileekin uzta biltzeko errazak dira.
• Erabilera gomendatua: Inausketan eta ongarritze gutxi duten sistema estentsiboetarako.

Labore erdi-intentsiboa

• Distantzia gomendatua: 4-5 metro zuhaitzen artean eta 5-6 metro lerroen artean.
• Landaketa-dentsitatea: 400-500 zuhaitz hektareako.
• Abantailak: Ekoizpen handiagoa hektariako, landareen garapen ona mantenduz.
• Erabilera gomendatua: Ezin hobea maneiu komertzialerako eta uzta partizialki mekanizatua egiteko.

Laborantza intentsiboa (dentsitate handia)

• Gomendatutako distantzia: 3-4 metro zuhaitzen artean eta 4-5 metro lerroen artean.
• Landaketa-dentsitatea: 600-900 zuhaitz hektareako.
• Abantailak: Errendimendu handiagoa hektareako eta uzta mekanizatu eraginkor baterako aproposa.
• Erabilera gomendatua: Inausketa erregularrak dituzten laborantza teknifikatu beterako eta ura eta nutrienteak modu optimizatu batean eramateko.

Landaketa-markoak aukeratzean kontuan hartu beharreko faktoreak

Hurritzaren barietatea

• Adaburuak («copa del arbol») garatzeko leku nahikoa utzia behar da, Negret eta Pauetet bezalako barietateek kopa garatzeko leku nahikoa behar dute.
• Barietate konpaktoetan, marko dentsogoak erabil daitezke.

Laborearen maneiatzea

• Bilketa mekanikoa bilatzen bada, funtsezkoa da lerroen artean pasillo zabalak uztea.
• Eskuzko maneiatzen diren laboreetan, distantzia murriztu daiteke produktibitateari eragin gabe.

Ongarriketak eta uraren eskuragarritasuna

• Marko dentsoagoek ureztatzearen eta ongarritzearen kontrol handiagoa eskatzen dute, hurritzen arteko lehia saihesteko.

Lurzoruaren eta klimaren baldintzak

• Lurzoru emankorretan eta drainatze onarekin, marko intentsiboagoak erabil daitezke.
• Ur gutxiago edo lurzoru pobreak dituzten eremuetan, hobe da zuhaitzak gehixeago aldentzea, beraien arteko lehia saihesteko.

Hurritzen eta beste labore batzuen arteko bateragarritasuna

Juglona intxaurrondoek eta, neurri txikiagoan, hurritzek sortzen duten substantzia toxikoa da. Hala ere, hurritzek sortzen duten juglona kantitatea hain txikia denez, kasu gehienetan ez dago arazo esanguratsurik hurritzen hartean beste labore bat sartzeko.

Landarearen zatia	Intxaur beltza (Juglans nigra)	Intxaur arrunta (Juglans regia)	Hurrondoa (Negret) (Corylus avellana ‘Negret’)	Hurrondoa (Pauetet) (Corylus avellana ‘Pauetet’)	Hurrondoa (Tonda di Giffoni) (Corylus avellana ‘Tonda di Giffoni’)
Hostoak	0.1% – 0.4%	0.05% – 0.2%	0.01% – 0.02%	0.01% – 0.02%	0.01% – 0.02%
Sustraiak	0.5%-ra arte	0.3%-ra arte	<0.05%	<0.05%	<0.05%
Azalak/frutuak	0.3% – 0.4%	0.2% – 0.3%	Traza	Traza	Traza

Polinizatzaileak hurritzen hazkuntzan

Hurritzak haizeak polinizatzen ditu (anemofilia), eta, beraz, funtsezkoa da landaketan ondo konbinatutako eta estrategikoki banatutako barietate polinizatzaileak izatea. Polenaren erabilgarritasunak bat etorri behar du lore femeninoen irekierarekin, ekoizpen optimoa bermatzeko.

Polena askatzeko aldi desberdinak (goiztiarra, ertaina eta berantiarra) dituzten polinizatzaileen hiru barietate gutxienez erabiltzea gomendatzen da, loraldi osoan polinizazio jarraitua ziurtatzeko.

Polinizatzaileen banaketa eta landaketan zehar

• Polinizatzaileak espazio iraunkorretan bakarrik ezartzen dira, eta plantazioan duten ehunekoa espazio horien arabera kalkulatzen da.
• Lerroetan txandakatu behar dira, diagonalean edo finka osoan polena modu homogeneoan sakabanatzen laguntzen duen patroi bati jarraituz.
• Landaketaren eskema tipiko bat hiru zuhaitz lerro bakotzeko polenizadore lerro bat jartzea da, nun lerro horretan hiru zuhatz bakotzeko bat polenizadorea da. Azpian azaltzen den grafikoan obeto ulertzen da.
• Gutxienez hiru polen-iturri izatea gomendatzen da landaketaren barruan, polinizazioaren eraginkortasuna maximizatzeko.

Hurritzak nola landatu

Nik familia Tarragonan daukat, Reusen hain zuzen ere, eta hango zelaietik paseatzen ari nintzela, atentzioa ematen zidan Baix Campen hurritzak ez direla hemen bezala landatzen eta kudeatzen. Euskadin, normalean, hurritzei hazten uzten zaie eta ez zaie inausketarik egiten, txupoiak izan ezik; Tarragonan, berriz, hurritzak zuhaizka itsura dute eta ardatz anitzekok izaten dira.

Hurritzari forma emateko era ezberdinak

Hurritza hainbat formazio-sistemarekin landu daiteke, eta bakoitzak bere abantailak ditu, barietatearen eta nahi den erabileraren arabera. Hauek dira hiru sistema erabilienak:

• Ardatz bakarrekoa
• Ardatz anitzekoa
• Ontzia formazioan

Ardatz bakarrekoa formazioa (enbor bakarreko zuhaitza)

• Forma hau, puja berriak ateratzeko joera ez dituzten patroiekin egiten da normalen. Edo, ta zuhaitz indartsuak edo txertatuekin.
• Enbor nagusi bakar batetikin sortzen da, eta bertan 4-5 adar estruktural garatzen uzten dira dira.
• Adar-puntua lurretik 80-90 cm-ra uzten da, aireztapena eta argi-sarrera errazteko.
• Hazkundea kontrolatzen da, egitura produktiboa eta orekatubat eraman dezan.
  
• Abantailak:
  • Bilketa mekanizatua errazten du.
  • Puja edo txupoi gutxiago sortzen dira hurritzen oinarrietan.
  • Zuhaitzaren bizitza luzatu egiten da.
    
• Desabantailak:
  • Beste sistema batzuek baino denbora gehiago behar izan dezake produkzioan sartzeko.
  • Inausketa zorrotzagoa behar da.

Ardatz anitzekoa formazioa (zuhaixka-sistema)

• Forma hau birsortzeko gaitasun handia duten hurritz barietateentzako aproposa da.
• Hurritzaren hazkunde naturala errespetatzen da.
• Landaketa udazken-neguan egiten da, eta hurrengo geldialdi begetatiboan enborra lurraren arrasean mozten da.
• 4 edo 5 puja indartsu aukeratzen dira zuhaitzaren behin betiko egitura osatzeko.
• Puja ahulak edo gaizki kokatutakoak ezabatzen dira, produkziorako formazio egoki bat osatuz.
  
• Kataluiniako zuhaixka sistema, kataluinian formazio honen beste bariante hau erabiltzen da noramean: Landaketa egin aurretik, lurpean geratu behar den zati osoan begiak kendu behar dira, landareak kimuak bota ez dezaten. 20 cm-ko aldea duen triangelu bat marraztuko da, eta haren angeluetan landare bat landatzen da, zuhaixka amatarratu bat izateko.

• Abantailak:
  • Ekoizpenean azkarrago sartzen da.
  • Frutuen karga eta haizeekiko erresistentzia handiagoa dute.
  • Baldintza klimatiko ezberdinei erraz egokitzen da.
    
• Desabantailak:
  • Kimuen arteko lehia handiagoa da.
  • Oinarrietatik azeltzen diren pujak garbitzen lan gehiago izango dugu.

Zuhaixka-ontzia formazioa

• Bolumenaren eta erabilera errazaren arteko oreka bilatzen duten landaketentzat egokia da.
• Ardatz bakarrarekin eratzen da, baina adar-maila lurretik 40-50 cm asten da.
• Bi urteko mintegiko zuhaitzak erabiltzen dira udazken-neguan landatzeko, eta 50-60 cm-ra jaisten dira landatzeko unean.
• Kimuak ez badira indartsuak, hurrengo urtean 35-45 cm-ra jaisten da berriro.
• Hirugarren denboraldian, 3-4 adar aukeratzen dira, erdiko ardatzaren inguruan ondo banatuta, ontzi-egitura osatzeko.
  
• Abantailak:
  • Argiztapen eta aireztapen ona, fruituaren kalitatea hobetuz.
  • Eskuz inausteko eta biltzeko erabilera errazagoa.
  • Zuhaitzaren azken altuera txikiagoa, mantentze-lanak erraztuz.
    
• Desabantailak:
  • Hasierako prestakuntzarako lanak denbora gehiago behar izaten dute.
  • Sarritan adar batzuetan gehiegizko indarra kontrolatu behar izaten da.

Formazio guztietan oroar egon beharreko lanak

• Nahi ez diren kimuak kentzea: enborraren oinarrian hazten diren txupoiak eta kimuak kendu behar dira.
• Adar nagusien puntak kamustu («Despuntar»): ardatz nagusitik 60 cm ingurura, adarrak kamustu adar maila berriak sustatzeko.
• Agerraldi ahulen edo akastunen kontrolatu: gaizki kokatutako edo hazkunde eskaseko adarrak kentzen dira.
• Mantentze-inausketa: zuhaitza osatu ondoren, gaixorik, kaltetuta edo lehian dauden adarrak kentzea gomendatzen da.
• Ebaki handiak zigilatzea: gaixotasunak saihesteko, ebakiak ore orbaintzailearekin estaltzea gomendatzen da.

Hurritzaren inausketak zuhaitzaren edadearen arabera

Lehen urteak (zuhaitzaren eraketa)

Lehenengo lau urteetan, helburu nagusia etorkizunean ekoizpen ona bermatuko duen zuhaitz sendo eta orekatu bat egituratzea da.

• Ez da gomendatzen lehenengo urtean inaustzea, zur produktuboa behar baino lehenago ez kentzeko.
• Bigarren urtetik aurrera, inausketa arina egin behar da adarren garapen orekatua errazteko.
• Produkzio eta berritze inausketak egin behar dira, urtero landaketaren zuhaitzen % 20 aukeratue egin behar dira. Hautatutako zuhaitz horietan, inausketa biziago bat egin behar ziae, fruitua ematen duten adarretan eremuaren % 50 kenduz (fruitu-eremua). Hori txandaka eginez gero, produkzioan ez du gehiegizko inpaktuaizango, eta zuhaitzak hobeto berreskuratzea ahalbidetzen da.
• Zuhaixka itxurako formazioa duten hurritzen hazkundea desegokia baldin bada, lurreraino jaits daitezke hazkunde egokia lortzeko.
• Inausketa garaia neguaren amaieran eta udaberriaren hasieran (ernamuindu aurretik) hasten da: inausketa arriskurik gabe egiteko garairik aproposena hilabete tarte hau da.
• Udazken amaieran ez da iñaustu behar: ez da gomendagarria, ebaketak lehortu egin daitezkelako zuhaitza sendatu aurretik eta zuhatza ahuldu daiteke.
• Leku hezeetan saihestu zauriak eguraldi txarraren eraginpean denbora luzez edukitzeari, infekzio fungikoak edo bakterianoak prebenitzeko.
• Kimaketa-hondar guztiak udaberria hasi aurretik kentzea gomendatzen da, gaixotasunen ugaltzea saihesteko.

Bigarren urtetik aurrera (adarren hautaketa eta inausketa zuzentzailea)

• Fomazioa osatu, enborraren inguruan ondo banatuta dauden 3 edo 5 adar nagusi hautatu.
• Saiehstu altuera berean hazten diren adarrak, egitura ez ahultzeko.
• Adarren altuera egokia aukeratu, zuhaitzaren mantentze-lanak eta uztaren jasotzea errazteko, zuhaitza gehiegi kargatu gabe.

Zuhaitz helduetan mantentze lanak (10 urte edo gehiago)

• Zuhaitzek Inausketa zuzentzaileak behar izaten dituzte, zuhaitzaren indarra eta espazioa kontuan hartuta.
• Lehian dauden adarrak kimatu, egitura orekatuari eusteko.
• Saihestu gehiegizko inausketak, zuhaita ahuldu eta ekoizpena murriztu baitezake.

Hurritzen landaketei buruz…

Hurritzak udazkenean edo neguaren amaieran / udaberriaren hasieran landatu behar dira, zona bakoitzeko baldintza klimatikoen arabera. Mintegian edo loreontzian zuten sakonera berean landatu behar da landarea; izan ere, 2,5 cm baino sakonago landatuz gero, landarea haziera kaltetu egin daiteke, landarea ahuldu eta enborraren oinarrian infekzioak izateko arriskua handituz.

46-61 cm-ko diametroa eta 25-30 cm-ko sakonera duen zulo bat egitea gomendatzen da, hondoan lur-muino bat eratuz sustraiei eusteko.

Landatzeko teknikak

• Palaz egindako landaketak (gomendatutako metodoa)
  • Zuloaren ertzetan lurra gehiegi trinkotzea saihesten du.
  • Sustraiak errazago sartzen dira.
  • Lur hezeetarako aproposa.
• Landaketa barrenarekin
  • Zuloaren ertzak trinkotu ditzake, sustraien hazkundea zailduz.
  • Lurzoru buztintsu edo hezeetan, sustraiak hedatzea eragozten duen hesi bat sor dezake.
  • Arazo hori saihesteko, zuloaren aldeak zerbaitekin urratzea gomendatzen da, lurzoruaren aireztapena hobetzeko.

Hurrirzak nun erosi

Hurrengo post batean, gure hurritzak nola erreproduzitu eta lortu azalduko dugu, baina hori gerorako utziko dugu.

Euskadi ez da hurritz asko ekoizten dituen lurraldea, nahiz eta bertako laborantzarako klima oso egokia izan. Horregatik, ez dago mintegi espezializaturik, Katalunian gertatzen den bezala. Pentsu-dendetan eta nekazaritza-horniduretan hurritz barietate batzuk aurki ditzakegu, baina askotan emaitza txarra izaten dute; izan ere, barietate ez autoferilak izaten dira, hau da, beste hurritz bateragarri bat behar izaten dute polinizatzeko. Bigarren polinizatzaile hori ez saltzea da ohikoena, ezta horren garrantziaren berri ez ematea ere.

Horregatik, hurritz gutxi batzuk landatu nahi baditugu etxean edo lursail txiki batean, onena espezialista batengana jotzea da, aholku egokiak eman diezazkigun. Hemen, Euskadin, ezagutzen dugun hurbilena Aian dago, eta Luberry du izena; haiek orientatuko dizute zer barietate aukeratu eta nola landatu behar dituzun.

Luberry
Barrio Elkano – Diseminado 14-57
20809 Aia (Gipuzkoa)
(Acceso por Zarautz – Alto De Meaga)

TEL. 657 719 685 / 652 768 121 (EZ DUTE WHATSAPP-ik ATENDITZEN)
EMAIL: info@lurberry.com
ORDUTEGIA: Astelehenetik – Ostiralera 10:00 – 14:00
WEB: https://lurberry.com

Aldiz, landaketa industriala izango bada edo kostuak murriztu nahi baditugu, aukera onena sustrai hutseko hurritzak erostea Kataluniako mintegi espezializatuetan. Nire landaketa esperimentalerako, adibidez, Vivers J.M. Vidalen erosi nituen, Tarragonan, eta esperientzia oso positiboa izan zen.

Vivers JM Vidal, SL
Ctra. TV-3103
CP 43391 Vinyols i els Arcs (Tarragona)
TEL. 636 234 238
EMAIL: info@viversjmvidal.com
WEB: https://viversjmvidal.com/es/

Laburbilduz, hurritzaren landaketa aukera erakargarria da, bai etxeko autokontsumorako, bai ustiapen komertzial intentsibo baterako. Baina arrakasta lortu nahi bada, ezinbestekoa da ezagutza tekniko batzuk izatea, landaketaren plangintza egokia egitea eta barietate egokiak landatzea, kokapen eta inausketa motak ongi aukeratzea…

HARPIDETZA EGITEKO
https://chat.whatsapp.com/HrALSaTeE3E5pnGJs17YAx